တိမ်တမန်
မိုးရာသီကိုတိတိပပရည်ညွှန်းစပ်ဆိုထားတဲ့ဂန္တဝင်သီချင်းတပုဒ်ဆိုရင် “ တိမ်တမန်” ကိုပြေးမြင်မိတယ်။စန္ဒယား(ဦး)လှထွဋ်ရဲ့ခန့်ညားတဲ့အသံဩဩကြီးကိုနူးညံ့တဲ့စန္ဒယားသံနဲ့စည်းချက်ကျကျပေါင်းစပ်ထားတာပါ။
“ တိမ်တမန်” သီချင်းကို(ဦး)မောင်မောင်လတ်(နောင်)ရေးဖွဲ့ပြီးစန္ဒယားလှထွဋ်သီဆိုခဲ့တယ်။နှစ်စဉ်မိုးရာသီရောက်ရင်မြန်မာ့အသံရေဒီယိုကကြားနေကျသီချင်းတပုဒ်ပါ။
…………………………….
မှိုင်းပြာမှုံဝေတိမ်မဲညိုရိပ်တွေ……..
တောင်ပြန်လေ..တပ်လှန့်ကာနိူး…
နိူးထလာပြီးလေ…တရွေ့ရွေ့လာချေပြီလေ…ပင်လယ်ဖြတ်သန်း…ရိုးမအပေါ်လွှားကျော်ကာလေ…
………………….
အိန္ဒိယသမုဒ္ဒရာတောင်ပိုင်းနဲ့
ဘင်္ဂလားပင်လယ်အော်အရှေ့အလယ်ပိုင်းကရေခိုးရေငွေ့နဲ့ပြည့်လျှံနေတဲ့တိမ်ဆိုင်တိမ်ညိုခဲကြီးဟာအနောက်တောင်လေနဲ့အတူဘင်္ဂလားပင်လယ်အော်နဲ့ရခိုင်ရိုးမကိုလေဟုန်စီးဖြတ်ကျော်ပြီးမြန်မာနိုင်ငံထဲကိုဝင်ရောက်လာတာတင်စားရေးဖွဲ့ထားတာ။အနောက်တောင်လေနဲ့ပါလာတဲ့
ဒီရေခိုးရေငွေ့ကြောင့်မြန်မာနိုင်ငံအပါအဝင်အာရှတိုက်တောင်ပိုင်းမှာမိုးရာသီဖြစ်ပေါ်လာစေပါတယ်။
တေးသီချင်းအများစုဟာချစ်မေတ္တာကိုဖွဲ့ဆိုထားတဲ့သီချင်းများပါတယ်။ “ တိမ်တမန် ” သီချင်းကချစ်တာတွေမေတ္တာတွေလုံးဝမပါပဲမိုးဦးရာသီကိုသီးသန့်ရည်စူးရေးစပ်ထားတဲ့ရှားပါးသီချင်းတပုဒ်ပါ။“ တိမ်တမန်” လိုပဲဆရာစန္ဒယားလှထွဋ်သီချင်းထဲကအကြိုက်ဆုံးသီချင်းတွေကိုချရေးကြည့်လိုက်မယ်။
သံရာတကွေ့ဝယ်
အလှသစ္စာတရား
အိပ်မပျော်သောညများ
တစ်ပြည်သူမရွှေထား
……………..
နိုင်ငံကျော်တေးဂီတပညာရှင်အကယ်ဒမီစန္ဒယားဦးလှထွဋ်ဟာ ၂၀၀၀ ပြည့်နှစ်မှာကွယ်လွန်ခဲ့တယ်။
လွင်ဦး(ရန်ကင်း)
Comments
Post a Comment